कम्पनीले अफरअन्तर्गत ‘अनलिमिटेड लाइट ’ र ‘अनलिमिटेड प्राे’ नामका दुई प्रकारका प्याकेज उपलब्ध गराएको जनाएको छ ।

नेपाल टेलिकमका अनुसार ‘अनलिमिटेड लाइट’ प्याकेज ४९९ रुपैयाँमा उपलब्ध हुनेछ । यसअन्तर्गत ग्राहकले दैनिक ५ जीबी डाटा प्रयोग गर्न सक्नेछन् । दैनिक ५ जीबी सीमा समाप्त भएपछि पनि बाँकी अवधिभर २ एमबीपीएस स्पिडमा अनलिमिटेड डाटा प्रयोग गर्न सकिने व्यवस्था गरिएको छ ।

त्यसैगरी, ‘अनलिमिटेड प्राे’ प्याकेज ६९९ रुपैयाँमा उपलब्ध हुनेछ । यस प्याकेजअन्तर्गत दैनिक १० जीबी डाटा प्रयोग गर्न सकिनेछ । निर्धारित सीमा पूरा भएपछि पनि ग्राहकले ३ एमबीपीएस स्पिडमा अनलिमिटेड डाटा सेवा प्रयोग गर्न सक्ने कम्पनीले जनाएको छ ।

दुवै प्याकेजको वैधता अवधि ३० दिनको रहनेछ । ग्राहकहरूले जेठ १४ गतेदेखि जेठ १६ गतेसम्म उक्त अफरअन्तर्गतका प्याकेज खरिद गर्न सक्नेछन् । पोस्टपेड प्रयोगकर्ताको हकमा प्याकेज शुल्क मासिक रेन्टल चार्जमै समावेश हुने जनाइएको छ ।

ग्राहकहरूले मोबाइलबाट *1415*11# डायल गरी उक्त अफर सक्रिय गर्न सक्नेछन् । साथै, नेपाल टेलिकम एप मार्फत पनि प्याकेज खरिद गर्न सकिने कम्पनीले जनाएको छ ।