गण्डकी र कर्णाली प्रदेशको पहाडी तथा हिमाली भू-भागमा साधारणतया बादल लागेको छ। बाँकी हिमाली क्षेत्रमा आंशिक बादल लागेको छ भने तराई भू-भागमा मौसम मुख्यतया सफा रहेको छ। गण्डकी प्रदेशका हिमाली भू-भागका एक-दुई स्थानमा हल्का हिमपात वा वर्षा भइरहेको छ।

दिउँसो: तराई भू-भागका केही स्थानमा मध्यान्हसम्म हुस्सु/कुहिरो रहन सक्छ। देशका हिमाली भू-भागमा आंशिक बादल लाग्ने तथा बाँकी भू-भागमा मौसम मुख्यतया सफा रहने अनुमान छ।

राति: कर्णाली र सुदूरपश्चिम प्रदेशको पहाडी तथा हिमाली भू-भागमा साधारणतया बादल लाग्नेछ भने बाँकी पहाडी र हिमाली क्षेत्रमा आंशिक बादल लाग्ने छ। कर्णाली र सुदूरपश्चिम प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपात वा वर्षाको सम्भावना रहेको छ।

महाशाखाले हिमाली क्षेत्रमा हल्का हिमपात/वर्षाका कारण उच्च पहाडी बाटोहरूमा चिप्लो हुने र यात्रुहरूले सावधानी अपनाउनुपर्ने जनाएको छ। तराईमा बिहानको हुस्सु/कुहिरोले सवारी तथा हवाई यातायातमा असर पर्न सक्ने भएकाले विशेष ध्यान दिन अनुरोध गरिएको छ। यात्रा तथा दैनिक क्रियाकलापका लागि महाशाखाबाट जारी हुने अद्यावधिक मौसमी सूचना नियमित रूपमा हेर्न सुझाव दिइएको छ।

(स्रोत: मौसम पूर्वानुमान महाशाखा, जल तथा मौसम विज्ञान विभाग)