तराईका धेरै स्थानमा दिउँसो हुस्सु कायम रहनेछ। कोशी, मधेश र बागमती प्रदेशको तराईमा बिहान केही समय तथा अन्य तराई क्षेत्रमा मध्यान्हसम्म कुहिरोको सम्भावना छ। गण्डकी, लुम्बिनी, कर्णाली र सुदूरपश्चिम प्रदेशसहित अन्य प्रदेशका पहाडी तथा हिमाली भूभागमा आंशिक बदली रहने अनुमान छ।

राति तराईका अधिकांश स्थानमा हुस्सु रहनेछ। कर्णाली र सुदूरपश्चिम प्रदेशसहित अन्य प्रदेशका पहाडी तथा हिमाली क्षेत्रमा आंशिक बदली कायम रहने छ।

मौसम विभागले तराईमा हुस्सु र कुहिरोका कारण सवारी साधन चलाउँदा विशेष सतर्कता अपनाउन चालक तथा यात्रुहरूलाई आग्रह गरेको छ। चिसो बढ्ने भएकाले स्वास्थ्य सुरक्षाका उपाय अपनाउन पनि सुझाव दिइएको छ। थप जानकारीका लागि विभागको आधिकारिक वेबसाइट हेर्नुहोला।