प्रदर्शनीमा स्वदेशी तथा विदेशी ख्यातिप्राप्त ब्रान्डहरूका १०० भन्दा बढी स्टलहरू रहनेछन्। फर्निचर, प्लाइउड, ल्यामिनेट, होम टेक्सटायल, हार्डवेयर, काष्ठसम्बन्धी मेसिनरी तथा औजार, फर्निसिङ, म्याट्रेस, कच्चा पदार्थ र तयारी उत्पादनहरूको वृहत् प्रदर्शनी हुनेछ। यो एक्स्पो विगत १० वर्षदेखि काठ, फर्निचर र इन्टेरियर क्षेत्रमा नयाँ प्रविधि र उत्पादनहरूको जानकारी गराउने कोसेढुङ्गा साबित हुँदै आएको छ।

आयोजकहरूका अनुसार यो प्रदर्शनीले विश्वका ख्यातिप्राप्त कम्पनी र ब्रान्डहरूलाई नेपाली बजारमा अत्याधुनिक वस्तु तथा प्रविधि भित्र्याउने पहलको रूपमा काम गर्नेछ। यसले साना तथा ठूला उद्योगहरूलाई मेसिनहरूको उन्नयन र प्रभावकारिता बढाउन मद्दत पु¥याउने अपेक्षा गरिएको छ।

सहयोगी संस्थाहरू:

नेपाल हस्तकला महासंघ, सामुदायिक वन उपभोगता महासंघ, नेपाल वन पैदावार उद्योग व्यवसायी महासंघ, नेपाल प्लाईउड उत्पादक संघ र इन्टेरियर डिजाइनर एसोसिएसन नेपाल (IDAN)।

विशेष आकर्षणको रूपमा इन्टेरियर डिजाइनर एसोसिएसन नेपालका विज्ञहरूबाट नवीनतम प्रविधि, इन्टेरियर डिजाइन र फर्निचरसम्बन्धी दुईदिने सेमिनार तथा गोष्ठी पनि आयोजना हुनेछ।

यो प्रदर्शनीले नेपालको काठ, फर्निचर र इन्टेरियर क्षेत्रको विकास तथा आधुनिकीकरणमा महत्वपूर्ण टेवा पु¥याउने विश्वास गरिएको छ। घर बनाउने व्यक्ति, आम नागरिकसँगै देशका दिग्गज आर्किटेक्ट, इन्जिनियर र इन्टेरियर डिजाइनरहरूको उल्लेखनीय सहभागिता रहने आयोजकले जनाएको छ।

प्रदर्शनी अवलोकन गर्न इच्छुकहरू भृकुटीमण्डपमा स्वागत छ। यो एक्स्पोले नेपाली बजारमा विदेशमा सफल प्रविधिहरू सजिलै उपलब्ध गराउने माध्यम बन्ने अपेक्षा गरिएको छ।