फेस्टका निर्देशक तथा घर निर्माण फाउण्डेशनका अध्यक्षले पत्रकार सम्मेलनमा जानकारी गराएअनुसार, ७ दिनसम्म चल्ने यो प्रदर्शनीमा २ सय करोडभन्दा बढीको व्यापारिक कारोबार हुने अपेक्षा गरिएको छ भने २० हजारभन्दा बढी दर्शकले प्रत्यक्ष अवलोकन गरी निर्माणसम्बन्धी गहिरो जानकारी लिने विश्वास आयोजकको छ ।

विश्वकै सबैभन्दा ठूलो इट्टासहित यी हुन् प्रमुख आकर्षणहरू :

आयोजकले गिनिज बुक अफ वर्ल्ड रेकर्डमा दर्ता गर्ने गरी विश्वकै सबैभन्दा ठूलो इट्टा निर्माण गरिसकेको छ । हालसम्मको रेकर्ड सन् २००७ जुलाई ४ मा अमेरिकाको टेक्सासमा बनेको २.९४ मिटर लामो, ०.९९ मिटर चौडा र १ फिट ३ इन्च उचाइको इट्टाको थियो । नेपालमा बनेको यो नयाँ इट्टाले सो रेकर्ड तोड्ने दाबी आयोजकको छ ।

सबै संरचना र डिजाइन उल्टो बनाइएको यो घर दर्शकहरूका लागि अनौठो र रोमाञ्चक आकर्षण बन्नेछ ।

नेपालमा अझै लोकप्रिय नभइसकेको डोम हाउसको प्रत्यक्ष मोडल प्रदर्शनीमा राखिनेछ । यो घर एक दिनमै तयार गर्न सकिने र होटल–रिसोर्टमा समेत सहजै निर्माण गर्न मिल्ने विशेषता बोकेको छ ।

इन्जिनियर, आर्किटेक्ट र निर्माण सामग्रीका अनुभवी विज्ञहरूले दर्शकहरूलाई घरको डिजाइन, लागत अनुमान, गुणस्तरीय सामग्री छनोट र आधुनिक प्रविधिबारे निःशुल्क परामर्श दिनेछन् ।

आयोजकका अनुसार यो प्रदर्शनी केवल सामग्री प्रदर्शन मात्र नभई निर्माण क्षेत्रका सबै सरोकारवालाहरूबीच बलियो व्यापारिक सम्बन्ध स्थापना गर्ने र ब्रान्डिङको साझा मञ्च बन्नेछ ।

“नेपालमा निर्माण क्षेत्रको व्यापारिक गतिविधि तीव्र रूपमा बढिरहेको छ, तर प्रभावकारी नेटवर्किङ र गुणस्तरीय जानकारीको अभाव छ । घर निर्माण फेस्ट २०८२ ले यही कमजोरीलाई सम्बोधन गर्दै व्यवसाय र उपभोक्ता दुवैलाई फाइदा पुग्ने गरी परिणाममुखी प्रदर्शनी बनाउने हाम्रो लक्ष्य हो,” आयोजकले बताए ।

औपचारिक उद्घाटन सत्रमा सहभागी हुन चाहने सबैलाई आयोजकले हार्दिक स्वागत तथा निमन्त्रणा गरेको छ ।

घर बनाउने सपना बोकेका व्यक्तिदेखि ठूला निर्माण कम्पनीसम्मलाई लक्षित यो फेस्ट नेपालको निर्माण क्षेत्रकै ऐतिहासिक कार्यक्रम बन्ने आयोजकको विश्वास छ ।