रहेको छ। हाल देशभर सामान्य बदली देखिएको छ। कोशी, मधेश र बागमती प्रदेशका थोरै स्थानहरूमा तथा गण्डकी, कर्णाली र सुदूरपश्चिम प्रदेशका एक-दुई स्थानमा हल्कादेखि मध्यम वर्षा भइरहेको छ। लुम्बिनी र सुदूरपश्चिम प्रदेशका एक-दुई स्थानमा धेरै भारी वर्षाको सम्भावना रहेको छ। लुम्बिनी र सुदूरपश्चिम प्रदेशका थोरै स्थानहरूमा र कोशी, बागमती, गण्डकी र कर्णाली प्रदेशका एक-दुई स्थानमा भारी वर्षाको जोखिम रहेको छ।

आगामी २४ घण्टाको मौसम पूर्वानुमान अनुसार कोशी प्रदेशमा दिउँसो हिमाली र पहाडी क्षेत्रमा केही स्थानमा मध्यम, तराईमा केही स्थानमा मध्यम, र राति हिमाली र पहाडी क्षेत्रमा थोरै स्थानमा मध्यमदेखि भारी वर्षाको सम्भावना छ। मधेश प्रदेशमा दिउँसो तराईमा केही स्थानमा मध्यम र राति थोरै स्थानमा मध्यम वर्षा हुन सक्छ। बागमती र गण्डकी प्रदेशमा दिउँसो हिमाली र पहाडी क्षेत्रमा धेरै स्थानमा मध्यमदेखि भारी, तराईमा धेरै स्थानमा मध्यम, र राति हिमाली र पहाडी क्षेत्रमा केही स्थानमा मध्यम वर्षाको सम्भावना छ। लुम्बिनी र सुदूरपश्चिम प्रदेशमा दिउँसो हिमाली र पहाडी क्षेत्रमा धेरै स्थानमा मध्यमदेखि भारी, तराईमा धेरै स्थानमा मध्यम, र राति हिमाली र पहाडी क्षेत्रमा केही स्थानमा मध्यमदेखि भारी वर्षा सम्भावित छ। कर्णाली प्रदेशमा दिउँसो र राति हिमाली र पहाडी क्षेत्रमा धेरै स्थानमा मध्यमदेखि भारी वर्षा हुन सक्छ।

लुम्बिनी र सुदूरपश्चिम प्रदेशका एक-दुई स्थानमा धेरै भारी वर्षाको सम्भावना रहेकोले बाढी, पहिरो र जनजीवनमा गम्भीर असर पर्न सक्छ। कोशी, बागमती, गण्डकी, कर्णाली र सुदूरपश्चिम प्रदेशका पहाडी क्षेत्रमा पनि सतर्कता अपनाउन आवश्यक छ। सर्वसाधारण र सरोकारवाला निकायहरूलाई पछिल्लो मौसमी सूचना नियमित जाँच गरी सतर्क रहन विभागले अनुरोध गरेको छ।