आज बिहान देशका गण्डकी, लुम्बिनी, कर्णाली र सुदूरपश्चिम प्रदेशका पहाडी भू-भागमा आंशिकदेखि सामान्य बदली छ भने बाँकी प्रदेशहरूमा मौसम आंशिक बदली रहँदै आएको छ। बागमती, गण्डकी, लुम्बिनी र कर्णाली प्रदेशका केही स्थानहरूमा हल्का वर्षा भइरहेको छ।

आज दिउँसोदेखि रातिसम्म कोशी, बागमती, गण्डकी र कर्णाली प्रदेशका एक-दुई स्थानहरूमा मेघगर्जन/चट्याङसहित मध्यमदेखि भारी वर्षाको सम्भावना छ। बाँकी प्रदेशका थोरै स्थानहरूमा पनि हल्का वर्षाको सम्भावना रहेको छ।

सम्भावित भारी वर्षाका कारण पहाडी तथा हिमाली क्षेत्रका थोरै स्थानहरूमा भू-क्षय, बाढी, पहिरो तथा गेग्रान बहावको जोखिम रहन सक्छ। तराई तथा शहरी क्षेत्रहरूमा डुबानको सम्भावना छ। ठूला तथा साना नदी-नालामा पानीको सतह बढ्न सक्ने भएकाले सतर्कता अपनाउन अनुरोध गरिएको छ। दैनिक जनजीवन, कृषि, स्वास्थ्य, पर्यटन, सडक तथा हवाई यातायात प्रभावित हुन सक्ने भएकाले आवश्यक सतर्कता र पूर्वतयारी गर्न महाशाखाको आग्रह छ।