हाल बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा मेघगर्जन/चट्याङसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ। केही स्थानमा बिहानैदेखि वर्षा शुरु भइसकेको छ।

अगामी २४ घण्टाको लागि चेतावनी तथा परामर्श

कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका एक–दुई स्थानमा भारी वर्षा को सम्भावना रहेको छ। पहाडी र हिमाली क्षेत्रका थोरै स्थानमा हिमपात वा वर्षा हुने सम्भावना छ। बाढी, पहिरो, भू–क्षय, गेग्रान बहाव जस्ता प्रकोपको जोखिम रहेकाले सतर्कता अपनाउन सबैलाई अनुरोध गरिएको छ।

नदी तथा खोल्साहरूको जल सतह बढ्न सक्ने, शहरी क्षेत्रमा डुबान तथा सडक यातायातमा अवरोध हुन सक्ने सम्भावनालाई ध्यानमा राखी पूर्व तयारी गर्न मौसम विभागले सल्लाह दिएको छ।