त्यस्तै, यी प्रदेशहरुमध्ये कोशी, बागमती र गण्डकी प्रदेशका एक-दुई स्थानमा भने भारी वर्षा हुन सक्ने सम्भावना रहेको छ। देशको अन्य भू-भागमा समेत आंशिक बदली रही एक-दुई स्थानमा हल्का वर्षा हुन सक्ने सम्भावना छ।

मनसुनी प्रणाली यस वर्ष असारको पहिलो सातादेखि सक्रिय भएसँगै विभिन्न स्थानमा लगातार वर्षा भईरहेको छ। पश्चिमी नेपालमा स्थानीय वायु र भारतको पश्चिम बंगाल क्षेत्रबाट सर्ने न्यूनचापीय प्रणालीको समेत आंशिक प्रभाव रहेको छ।

मौसम विभागले सम्भावित वर्षाको कारण पहिरो, बाढी, सडक अवरुद्ध, हवाई उडानमा असर तथा सामान्य जनजीवनमा अवरोध आउन सक्ने भन्दै सतर्कता अपनाउन आग्रह गरेको छ। उच्च पहाडी तथा हिमाली क्षेत्रहरूमा समेत हल्का वर्षा र हिमपातको सम्भावना भएकाले यात्रा वा काममा जानेहरूले पूर्व तयारी गर्न अनुरोध गरिएको छ।