आजको कार्यक्रमको पहिलो आकर्षण “बिक्री तथा स्वरोजगार कार्यशाला” हो, जसमा नेपाल लाइफ इन्स्योरेन्सको सहकार्यमा बिहान १०:०० बजेदेखि ७ वटा सत्र सञ्चालन हुनेछ। सहभागीहरूले यहाँ उद्यमशीलता र स्वरोजगारसम्बन्धी व्यवहारिक ज्ञान हासिल गर्न सक्नेछन्।

विश्व रक्तदान दिवसको अवसर पारेर मेलामा रक्तदान कार्यक्रम पनि आयोजना गरिएको छ। आयोजकहरूले सबै योग्य रक्तदाताहरूलाई सहभागिताका लागि आग्रह गरेका छन्।

दिउँसो १:०० बजेपछि अवलोकन तथा भ्रमण सत्र सुरु हुनेछ, जहाँ आगन्तुकहरूले विभिन्न नवप्रवर्तन परियोजना र प्रदर्शनीहरू प्रत्यक्ष अवलोकन गरी जानकारी लिन पाउनेछन्। साथै करियर काउन्सिलिङ तथा सिप परीक्षण सत्रहरू पनि सँगसँगै सञ्चालन हुनेछन्, जसले सहभागीहरूलाई आफ्नो दक्षता मूल्यांकन र भविष्य योजना बनाउन सहयोग पुर्याउनेछ।

यही क्रममा अध्ययन संस्कृतिलाई प्रवर्द्धन गर्न पठन संस्कृति कर्नर (Reading Culture Corner) सञ्चालनमा ल्याइएको छ। यहाँ सहभागीहरूले विविध पुस्तक तथा अध्ययन सामग्रीहरूको जानकारी पाउनेछन्।

आजको मुख्य आकर्षणमध्ये अर्को महत्त्वपूर्ण कार्यक्रम ड्रोन उडान प्रदर्शन हो, जसले दिउँसो १:०० बजेपछि आगन्तुकलाई ड्रोन उडाउन सिकाउने तथा नयाँ प्रविधिको प्रत्यक्ष अनुभव दिनेछ।

आयोजकका अनुसार, सिप मेला २०८२ ले सिप विकास, उद्यमशीलता र सामाजिक सहकार्यलाई मजबुत बनाउन महत्वपूर्ण भूमिका खेल्ने अपेक्षा गरिएको छ। आयोजकहरूले सबै इच्छुक व्यक्तिहरूलाई यी कार्यक्रमहरूमा सहभागी हुन आग्रह गरेका छन्।