कम्पनीले "डिलर पार्टनर एप" नामक विशेष मोबाइल एप सञ्चालनमा ल्याएको छ, जसबाट कुनै पनि प्रयोगकर्ताले ग्राहकलाई इन्टरनेट वा टिभी सेवा जोडेर प्रत्यक्ष कमिसन आम्दानी गर्न सक्ने व्यवस्था गरिएको छ। कम्पनीले दिएको जानकारीअनुसार सफल जडानमा डिलरले रु १,४०० सम्म कमिशन प्राप्त गर्नेछन्।

क्लासिकटेकको दावी अनुसार, यस्ता जडानहरूबाट मासिकरूपमा रु २०,००० सम्मको नियमित आम्दानी सम्भव हुने अनुमान गरिएको छ। तर कम्पनीले यो आँकडा संभाव्यता आधारित भएको जनाउँदै वास्तविक आम्दानी प्रयास, क्षेत्र र जडानको संख्यामा निर्भर हुने स्पष्ट पारेको छ।

कम्पनिका अनुसार यो योजना डिजिटल माध्यमबाट स्वरोजगार सिर्जना गर्ने नयाँ प्रयासका रूपमा लिएको बताएका छन्। तर, यस्ता योजनामा सहभागी हुनेहरूले सेवा सर्तहरू ध्यानपूर्वक पढ्नुपर्ने र कम्पनीको आधिकारिक स्रोतबाट नै जानकारी लिनु पर्ने सुझाव दिएका छन्।

यस योजनामा सहभागी हुन इच्छुकहरूले Google Play Store वा App Store मार्फत ‘Dealer Partner App’ डाउनलोड गरी केवाईसी (KYC) प्रक्रिया पूरा गर्नु पर्नेछ। भेरिफिकेसन पछि मात्र प्रयोगकर्ताले एपमार्फत काम गर्न पाउनेछन्।

क्लासिकटेकले भने देशभर सेवा विस्तार गर्न यस्तो योजना ल्याइएको बताउँदै देशका सबै प्रमुख शहर र ग्रामीण क्षेत्रका लागि नयाँ डिलरहरू चाहिएको जानकारी दिएको छ।