काठमाडौं उपत्यकामा बिहानैदेखि हल्का बदली देखिएको छ भने दिउँसो र साँझतिर मौसममा थप बदली हुनसक्ने अनुमान गरिएको छ। तापक्रम पनि २६ देखि २८ डिग्री सेल्सियसको आसपास रहनेछ।

मौसमविद्हरूका अनुसार पश्चिमी तथा मध्य क्षेत्रका पहाडी भू–भागमा मेघगर्जनसहित हल्का वर्षाको सम्भावना रहेको छ। यस्तै, पूर्वी भागमा पनि आंशिक बदली रहने देखिएको छ।

आगामी २४ घण्टाका लागि चेतावनी तथा परामर्श :

कोशी प्रदेश, मधेश प्रदेश, बागमती प्रदेश र गण्डकी प्रदेश लगायत देशको पहाडी भू-भागका थोरै स्थानहरूमा र बाँकी भू-भागका एक-दुई स्थानमा मेघगर्जन/चट्याङ सहित हल्का देखि मध्यम वर्षाको सम्भावना रहेको छ। देशको उच्च-पहाडी तथा हिमाली भू-भागका थोरै स्थानहरुमा हल्का वर्षा/ हिमपातको सम्भावना रहेको छ। यस कारण दैनिक जनजीवन, कृषि, स्वास्थ्य, सडक तथा हवाई यातायातमा प्रभाव पर्न सक्ने हुँदा सो को असरबाट बच्न आवश्यक तयारी गर्नुहुन तथा आवश्यक सतर्कता अपनाउनहुन महाशाखाले जनाएको छ ।