व्यवसायी मलहोत्राले भन्नुभयो, “रियल स्टेट व्यवसाय चलायमान नभई अर्थतन्त्रको विकास सम्भव छैन। यो बजेटले त्यसको महत्त्वलाई बुझेको देखिन्छ।” उहाँले बजेटमा रियल स्टेटमा हदबन्दी बढाउने कुरालाई निकै सराहनीय भएको बताउनुभयो।

मलहोत्राले बजेटमा रियल स्टेट क्षेत्रमा भएका सुधारात्मक कदमहरूले व्यवसायलाई थप चलायमान बनाउने अपेक्षा व्यक्त गर्नुभयो। उहाँले बजेटले निजी क्षेत्रको मागलाई प्राथमिकतामा राखेर सकारात्मक सन्देश दिएको भन्दै सरकारलाई धन्यवाद दिनुभएको छ।