आर्थिक वर्ष २०८२/०८३ को बजेटले नाडाको यस्ता नीतिगत सुझावहरुलाई समेटेर व्यवसायमैत्री नीति ल्याएको छ। नाडा अटोमोवाइल्स एशोसिएशन अफ नेपालले आज एक विज्ञप्ति जारी गर्दै उक्त बजेटप्रति हार्दिक आभार व्यक्त गरेको छ।

नाडाका अनुसार यो बजेटले नेपालको अटोमोवाइल क्षेत्रको वर्षौंदेखिको माग र आवाजलाई सम्बोधन गरेको छ। यसले उद्यमी र व्यवसायीहरुलाई मात्र प्रोत्साहन नगरेर नेपालकै अर्थतन्त्रलाई समेत चलायमान बनाउने विश्वास नाडाले व्यक्त गरेको छ।

नाडाले आगामी मौद्रिक नीति समेत यसै अनुरुप आउने अपेक्षा व्यक्त गर्दै, बजेटमार्फत नाडाको आवाजलाई सम्बोधन गरेकोमा नेपाल सरकारलाई धन्यवाद दिएको छ।