महाशाखाका अनुसार अहिले कोशी, गण्डकी, कर्णाली र सुदूरपश्चिम प्रदेशका पहाडी क्षेत्रका थोरै स्थानहरूमा हल्का वर्षा भइरहेको छ। यस्तै, कोशी, गण्डकी र कर्णाली प्रदेशका पहाडी भूभागमा मेघगर्जन र चट्याङ्गसहित हल्का वर्षा हुन सक्ने सम्भावना रहेको छ।

त्यस्तै, मधेश र लुम्बिनी प्रदेशका तराई क्षेत्रका केही स्थानहरूमा हावाहुरीको समेत सम्भावना देखिएको छ। मौसमविद्हरूले वर्षा, चट्याङ्ग र हावाहुरीका कारण जनजीवन, कृषि तथा यातायातमा असर पर्न सक्ने भन्दै सतर्कता अपनाउन आग्रह गरेका छन्।